Rikthimi pas arrestimit, Grima: Falenderoj FSHF që më besoi sërish

Një vit pas arrestimit si pjesë e grupit Bajri në operacionin ”Oaz”, për akuzën e manipulimit të ndeshjeve, ekzaktësisht të Vllaznisë B me Tërbunin, trajneri i kombëtares së femrave Amir Grima, është kthyer në krye të detyrës.

Ai u la i lirë për mungesë të provave që e implikonin duke lënë pas një periudhë të vështirë ku herë ishte i arrestuar dhe herë me detyrim paraqitje. “Ka qenë një periudhë që nuk do ti uroj asnjë njeriu ta provojë por duke patur afër shokë dhe miq gjithçka do të kalojë”.

Ndeshja e ardhshme e kombëtares së femrave është kundër Skocisë, për të cilën Grima thotë se do të marrim pikët e para pavarësisht se është një kundërshtar shumë i vështirë. Aktualisht pas tre ndeshjeve Shqipëria renditet në vendin e fundit me 0 pikë.