Roma ndalet në transfertë nga Bolonja, Xheko sërish shpëtimtar (VIDEO)

Roma bën një tjetër hap fals në kampionat. Verdhekuqtë nuk kanë shkuar më shumë se një barazim 1-1 në transfertën ndaj Bolonjës.

Vendasit kaluan në avantazh që në minutën e 18-të me anë të Pulgar. Mesfushori lëshoi një goditje të fortë nga distanca, e cila nuk mundi që të ndalej nga portieri Alison. Roma reagoi menjëherë pas golit duke krijuar mundësi të shumta për shënim. Di Françesko hodhi në fushë edhe Xhekon, i cili ishte lënë pushim për sfidën me Barcelonën në Champions.

Në minutën e 76-të, sulmuesi boshnjak ja shpërbleu menjëherë duke shënuar golin e barazimit me një goditje të kokë, pas një aksioni të Perotit në krahun e majtë. Roma ngjitet në kuotën e 60 pikëve në vendin e tretë. /Koha Jonë/