Ronaldo dhe Messi si kurrë më parë: Një ditë do të darkojmë së bashku!

Të buzëqeshur dhe të relaksuar si kurrë më parë. Në Montecarlo, në shorin e Champions League, Lionel Messi dhe Cristiano Ronaldos kanë lëshuar vetëm fjalë të “ëmbla” për njëri-tjetrin. “Të mungon? Po, kemi pasur një rivalitet të bukur, tani jemi pak larg”, deklaroi argjentinas.

Përgjigja e portugezit nuk vonon aspak: “Kemi ndarë për 15 vite këtë skenë së bashku. Jemi dy djem që kemi ndarë këtë skenë për 15 vite dhe është e vështirë.

Nuk kemi ngrënë darke akoma, por mbase në të ardhmen do e bëjmë. Më mungon Spanja që të rivalizoj me Leon. Tërheqja nga futbolli? Messi është dy vite më i vogël se unë dhe unë jam mirë për moshën time, shpresoj të jem këtu dhe për 2-3 vite me radhë. Ata që më kanë inat do më shohin këtu”.