“Ronaldo, ke shënuar më shumë gola sesa kam shkuar unë në banjo”

Mbrëmja e së hënës ishte speciale për Cristiano Ronaldon, që arriti në kuotën e 700 golave në futbollin profesionist. Një sukses historik, që solli edhe reagime të shumta nga personazhe të ndryshme të futbollit.

Njëri prej tyre, Patrice Evra, nuk e ka fshehur asnjëherë admirimin për vullnetin e madh që ka portugezi për t’u bërë më i miri.

Futbollisti francez ka treguar humorin e tij, duke komentuar kështu: “Vëlla, ti ke shënuar më shumë gola sesa herët që kam shkuar unë në banjo përgjatë dy viteve”. Një koment që është shoqëruar me humor në rrjetet sociale.