Sadiku nis aventurë të re në Spanjë

Sulmuesi i kombëtares shqiptare të futbollit, Armando Sadiku, do të nisë një aventurë të re në Spanjë. Sadiku këtë sezon do të luajë për Malagën, i huazuar nga Levante pa të drejtë blerjeje. Malaga në orët e fundit të merkatos nuk arriti dot të regjistronte japonezin Okazaki, blerjen më të rëndësishme të kësaj vere dhe afroi plot 3 futbollistë: Sadiku, Benkhemassa dhe Lorenzo González. Sipas “AS”, të tre këta futbollistë do të marrin pagën minimale të vendosur nga liga spanjolle, që është 80 000 euro.