Sarri e gjen justifikimin: Nuk luhet në orën 15:00!

Maurizio Sarri nuk ka mbetur aspak i kënaqur nga barazimi 0-0 ndaj Fiorentinës në “Firence”. Strategu i bardhezinjve është ankuar për orarin e ndeshjes, ndërkohë që sqaroi edhe problemet me dëmtimet.

“Nuk ishte një ndeshje e një niveli të lart dhe nuk e meritonim që të fitonim. Duhet të përmirësohemi nga pikëpamja taktike, fizike dhe taktike. Dogjëm zëvendësimet për shkak të dëmtimeve, në një moment vendimtar. Në temperaturën 35 gradë të kesh futbollistë të freskët në fushë, do të na kishte ndihmuar shumë. Në këtë periudhë të luash në orën 15: dhe jo 21:00, përbën diferencë.

Dëmtimet? Për Douglas Costën bëhet fjalë për një dëmtim më të rëndë, mund të mungojë për disa ndeshje. Pjanic ka një problem më të vogël, ka marrë një goditje edhe gjatë javës. Danilo mund të rikuperohet, gjithsesi do të shohim kontrollet”, deklaroi Sarri. /R.Lika-Koha Jone/