Sasuolo befason Napolin, Juve tani ka mundësinë të arratiset (VIDEO)

Napoli nuk shkon më shumë se një barazim 1-1 në ndeshjen e javës së 30-të ndaj Sasuolos në transfertë. Skuadra e Mauricio Sarrit ka vuajtur shumë në duelin ndaj ekipit të Iakinit që e nisi mjaft mirë ndeshjen. Vendasit kaluan në avantazh që në minutën e 22-të me Politanon, i cili e dërgoi topin ne rrjetë, pasi u përplas fillimisht në shtyllë nga një goditje brenda zonës.

Napoli humbi disa mundësi të mira shënimi, teksa Konsili bëri mrekullinë me ndërhyrje shpëtimtare. Në pjesën e dytë Sasuolo dominon në lojë dhe në raste, por Berardi dhe Politano shpërdorojnë disa mundësi të mira shënimi.

10 minuta nga fundi i kohës së rregullt, Napoli gjen golin e barazimit me Kajehon. Futbollisti spanjoll përfiton mjaft mirë nga një krosim në zonë i Mario Ruit. Ekipi i Sarrit u hodh në sulm në kërkim të golit të dytë, por shtylla dhe Konsili shpëtuan vendasit.