Shqipëria do të gjykohet nga një skocez ndaj Islandës, Kosova nga një italian

Skocezi Bobby Madden do të vendosë drejtësi në sfidën mes Islandës dhe Shqipërisë, e planifikuar për t’u zhvilluar mbrëmjen 8 qershorit në Reikjavik.

40-vjeçari mban stemën e FIFA-s që prej vitit 2010 dhe do të asistohet në këtë takim nga 3 arbitra të tjerë skocezë, Douglas Ross dhe David Roome anësorë, si dhe Donald Robertson i katërt.

Ndërkohë janë caktuar arbitrat edhe për ndeshjen derbi të Ballkanit, mes Malit të Zi dhe Kosovës, që do të luhet në stadiumin bosh të Podgoricës, pasi tifozëria vendase është e dënuar. Në Podgoricë, drejtësi do të vendosë arbitri i mirënjohur italian, Daniele Orsato, i cili do të asistohet nga Lorenzo Manganelli, Giorgio Peretti dhe Michael Fabri.