Statistikat/ Shtatori muaj i mbarë për Francën, Shqipëria shpreson te barazimi pa gola

Shqipëria do të përballet nesër në mbrëmje ndaj Francës, në një ndeshje shumë të vështirë për kuqezinjtë tanë. Mediat franceze së fundmi kanë publikuar një artikull për ecurinë e “trikolorëve” gjatë muajit shtator. Nën drejtimin e Didier Deschamps, Franca nuk njeh asnjë humbje gjatë këtij muaji duke pasur një ecuri fantastike.

Strategu i njohur ka marrë drejtimin e Francës që nga viti 2012, duke njohur vetëm rezultate pozitive në muajin shtator: 8 fitore, 5 barazime dhe asnjë humbje. Gjelat nuk kanë humbur asnjë ndeshje që nga shtatori i vitit 2008, ndërkohë që kanë njohur vetëm një disfatë 3-1 në Austri nën epokën e Raymond Domenech.

Ndeshjet më të këqija- Nën drejtimin e Deschamps, sfida më e dobët mund të cilësohet barazimi 0-0 ndaj Luksemburgut në vitin 2017. E njëjta gjë ndodhi edhe një vit më vonë, kur u ndalën në shtëpi ndaj Bjellorusisë në Borisov (0-0), dhe ndaj Gjerorgjisë (0-0) në 2013.

Bilanci i Francës në shtator, nën drejtimin e Didier Deschamps

2018: 0-0 kundër Gjermanisë dhe 2-1 kundër Holandës (Liga e Kombeve)

2017: 0-0 kundër Luksemburgut (kualifikimet për Kupën e Botës)

2016: 0-0 kundër Bjellorusisë (kualifikuese për Kupën e Botës), fitore 3-1 ndaj Italisë (miqësore)

2015: 2-1 kundër Serbisë (miqësore) dhe fitore 1-0 ndaj Portugalisë (miqësore)

2014: 1-1 në Serbi (miqësore) dhe 1-0 kundër Spanjës (miqësore)

2013: 4-2 fitore në Bjellorusi dhe 0-0 në Gjeorgji (kualifikuese për Kupën e Botës)

2012: 3-1 kundër Bjellorusisë dhe fitore 1-0 në Finlandë (kualifikuese për Kupën e Botës)

Bilanci i trajnerëve të tjerë në muajin shtator

Laurent Blanc (2010-2012): 3 fitore, 1 barazim

Raymond Domenech (2004-2010): 6 fitore, 4 barazime, 2 humbje

Zhak Santini (2002-2004): 3 fitore.

Roger Lemerre (1998-2002): 1 fitore, 3 barazime, 1 humbje.

Aimé Jacquet (1994-1998): 1 fitore, 1 barazim.

/Rozalb Lika-Koha Jone/