S’ka asnjë surprizë, ja formacioni i Contes ndaj Lecces

Antonio Conte do të debutojë për herë të parë në një ndeshje zyrtare në krye të Interit në Seria A. Klubi zikaltër pas pak minutash do të sfidojë Lecce-n në një “San Siro” që do të jetë i tejmbushur.

Asnjë surprizë në formacion, strategu italian ka konfirmuar zgjedhjet e pritshme. Në fushë nga minuta e parë do të jetë Handanovic në portë. Në mbrotje, do të jetë trinomi Skriniar, De Vrij dhe D’Ambrosio. Në mesfushën e mbipopulluar do të debutojë Sensi, me Brozovic dhe Vecino në qendër, ndërkohë që Asamoah dhe Candreva formojnë krahët e mesfushës. Sulmi do të formohet nga Lukaku dhe Martinez, teksa belgu do të debutojë për herë të parë në një sfidë zyrtare me zikaltërit.

Lecce rikthehet në elitën e futbollit italian, me të gjitha shpresat se Lapadula do të surprizojë Interin. /Koha Jone/