S’ka revolucion te Gjermania, Low konfirmohet në krye të “Pancerave”

Nuk do të ketë asnjë revolucion pas eliminimit të Gjermanisë që në fazën e grupeve, për herë të parë në histori. Pas disa ditësh reflektim, federata gjermane ka vendosur për të vijuar ciklin me Joachim Low në pankinë.

Trajneri, fitues i Kupës së Botës në vitin 2014, para se të fluturonte në Rusi ka nënshkruar një kontratë deri në fund të vitit 2022, dhe tani mund të vijojë punën si seleksionues.

Dështimi i madh në Rusi 2018, është një ngjarje për t’u harruar, teksa tashmë do të vijojë puna për Europianin e 2020 dhe më pas për Botërorin në Katar. /Koha Jonë/