Skandali i FIFA-s, së shpejti film në Hollywood

Hollywood-i synon ta sjellë skandalin e korrupsionit të FIFA-s në sallat e kinemasë. Muajin e kaluar në kinematë amerikane u shfaq për herë të parë një film për FIFA, aty ku në premierë kishte vetëm tre shikues dhe prodhimi rezultoi një dështim spektakolar. Por filmi i fundit pritet të jetë një hit i vërtetë.

Filmi do të bazohet te një libër, i cili ende nuk e ka njohur dritën e botimit. Në lojë janë emra të mëdhenj të kinematografisë hollivudiane, si Warner Bros, ndërsa produksioni i është besuar kompanisë së aktorëve të mirënjohur Matt Damon dhe Ben Affleck, “Pearl Street Films”.