Skenderbeu shënon i pari dhe ha gol në minutën e fundit të shtesës

Skenderbeu pëson gol në fund të minutës 6-të shtesë. Humbet 2 me 1 në Zvicër.

Trajneri i Skënderbeut, Ilir Daja, foli pas humbjes 2-1 në minutat shtesë në transfertën me Young Boys. Ai u shpreh se duhet të kishin fituar dhe ishte i mërzitur për penalltinë që nuk iu dha.

Daja gjithashtu e ka edhe me ambasadën dhe pasaportën, e cila i ka penguar marrjen e vizës së futbollistit bardhekuq.

“Si duket Europa na do shumë dhe kjo duket që kur nuk na dha vizat. James i cili nuk u pajis. Është një moment penalltie në minutën e 75-të edhe arbitri vjen kërcënon që do bëjë raport pas ndeshjes. Ne nuk duhet të merremi me këto gjëra, por na vjen shumë keq për ato që ndodhën.

Nëse Mici bëri faull në fund, ai me Nimagën brenda zonës ishte katastrofë. Më vjen keq për këtë mbyllje se kemi punuar që në qershor dhe do të donim ta mbyllnim në vendin e tretë. Kur ke këtë pasaportën tonë edhe oficerët e UEFA-s përballë, ndodhin edhe këto”, deklaron Daja.