Suarez: Jam mes 3 milionë uruguaianëve që po lutem për Cavanin!

Luis Suarez është shfaqur në konferencën e radhës për shtyp të Uruguait, teks tema kryesore, ka qenë gjendja e shokut të tij të sulmit, Edinson cavamni. “El Matador” nuk është stërvitur me pjesën tjetër të ekipit dhe prania e tij është në dyshim për ndeshjen çerekfinale ndaj Francës.

“Unë jam një nga ata 3 milionë uruguaianë që po luten për Edinson Cavani. Po lutemi që ai të jetë në fushë. E di që kjo do të jetë shumë e vështirë, sepse ka shumë pak ditë në dispozicion për t’u riaftësuar nga ai lloj vendimi. Por e di që ai ka vullnetin dhe dëshirën për të qenë në fushë. Edhe pse nuk është në dorën e Cavani, dëmtimi i tij nga trishton të gjithëve. Ai është thelbësor për skuadrën tonë”, u shpreh bomberi i Uruguait.