Talenti i Kosovës firmos “kontratën e jetës”, zyrtarizohet te klubi i Seria A

Shtohet kolonia shqiptare në Seria A italiane.

Talenti 17 vjeçar, Altin Kryeziu ka firmosur kontratën e parë si profesionist. Lojtari me origjinë shqiptare, i cili mbron ngjyrat e Kosovës ka firmosur me SPAL, duke iu bashkuar në këtë mënyrë Etrit Berishës.

Portieri i kombëtares shqiptare pritet ta ndihmojë për tu inkuadruar në ekipin e parë, pasi tashmë, Kryeziu do të luajë me ekipin SPAL U-19, e cila garon në Primavera grupi A2. Kujtojmë që së fundmi, Seria A italiane iu shtuan emra si Kastriot Dermaku dhe Amir Rrahmani.

Ndërkaq, futbollistë të tjerë shqiptarë që aktivizohen në Seria A janë Thomas Strakosha, Valon Berisha, Marash Kumbulla, Emanuele Ndoj, Berat Djimsiti dhe Elseid Hysaj.

Sezonin e kaluar, mesfushori luajti 22 ndeshje për ekipin e Triglav në Slloveni, duke shënuar gjashtë gola.