Tashmë është një lojtar i Juventus, por Ronaldo nuk “shpëton” dot nga Messi

Dita e madhe erdhi për gjithë tifozët e Juventusit. Cristiano Ronaldo ka folur për herë të parë si një futbollist bardhezi.

Edhe gjatë prezantimit te skuadra e re, Ronaldo nuk ka mundur t’i shmanget dot pyetjes për Lionel Messin, rivalin e tij të madh në futboll.

“Gjithkush flet për rivalitetin tim me Messin, por të gjithë lojtarët luftojnë për klubet e tyre dhe kjo është ajo që unë do të bëj këtu. Në fund, ne do të kthehemi prapa dhe të shikojmë se kush është më i miri”, është përgjigjur portugezi.

Portugezi iu bashkua “Zonjës së Vjetër” për 112 milionë euro ndërsa ai do të përfitojë një pagë me vlerë 30 milionë euro.

CR7 sot kreu dhe testet mjekësore me klubin e ri.

/