Tek Interi ndalet edhe Godin, blerjet e reja përfundojnë në infermieri

Interi merr një tjetër lajm shumë të keq nga infermieria. Pas Politanos dhe Lazaros, është ndalur për probleme muskulore edhe Godin, duke tejmbushur listën e të dëmtuarve.

Në stërvitjen e djeshëm uruguaiani është ndalur për shkak të disa shqetësimeve, teksa nga vizitat mjekësore u konstatua një problem muskulor në kofshën e këmbës së majtë.

Gjendja e tij do të shihet javë pas jave, por me shumë mundësi Godin do të mungojë në ndeshjen e parë të kampionatit ndaj Lecce-s si dhe në dy miqësoret e ardhshme. Një tjetër lajm i keq për Conten, që nuk ka pasur aspak fat me blerjet e reja, pasi të katërt kanë përfunduar të dëmtuar. /R.Lika-Koha Jone/

? | INJURY NEWS @diegogodin has undergone tests at the Istituto Humanitas in Rozzano. They revealed a pulled rectus femoris muscle in his left thigh. His condition will continue to be evaluated on a week-to-week basis.

— Inter (@Inter_en) August 2, 2019