Tension dhe polemika, Luftëtari ndal Bylisin në Gjirokastër

Luftëtari dhe Bylisi kanë ndarë nga 1 pikë, pasi kanë barazuar 1-1 në Gjirokastër. Skuadra e drejtuar nga Marantas, gjeti golin e avantazhit falë Açkës në minutën e 62-të.

Ekipi ballshiot gjeti barazimin pas një penalltie të akorduar nga kryesori Jorgji. Açka ndërhyn ndaj Goxhës dhe për gjyqtarin ka 11-metërsh. Hidi e merr përsipër dhe arrin të shënojë për 1-1.

Ndeshja ishte e mbushur me tension dhe polemika ndaj gjyqtarëve duke qenë se nuk punonte tabela e katërt dhe gjyqtarët janë bërë lëmsh sa i përket kohës shtesë por edhe zëvendësimeve.