Tifozët e Juventusit tërbohen me Conten, ja peticioni që i nisin klubit

Interi ka zyrtarizuar sot largimin e Lucianos Spallettit nga drejtimi i skuadrës, ndërkohë që në vendin e tij për çështje orësh do të zyrtarizohet Antonio Conte. Një lajm që nuk është pëlqyer aspak nga tifozët e Juventusit. Conte konsiderohet si një simbol për bardhezinjtë fillimisht si tifoz dhe më pas si trajner, pasi është njeriu që u riktheu titullin pas dy vendeve të 7-ta radhazi.

Një nga tifozët e “Zonjës” ka krijuar një peticion në platformën “Change.org”, në mënyrë që drejtuesit e Juventusit të heqin yllin që i dedikohet trajnerit, pikërisht në pistën përreth “Allianz Stadium”.

Sipas peticionit “kalimi te Interi nuk është zgjedhje profesionale, sepse të shkosh te Interi do të thotë që të shkelësh dinjitetin”.