Tjetër largim nga Barcelona në fundin e këtij sezoni

Barcelona po përjeton një epokë ndryshimesh. Pas tërheqjes së Gerard Pique dhe njoftimit të Busquets para disa ditësh që nuk do të vijojë karrierën me katalanasit, tani është Jordi Alba i cili i ka komunikuar të njëjtën gjë klubit.

Sipas “Marca”, mbrojtësi i majtë ka edhe një vit kontratë, por ka vendosur që të largohet. Spanjolli veteran këtë sezon e humbi vendin në formacion, pasi trajneri Xavi ka preferuar të aktivizojë të riun Balde si titullar.