Trajneri i Kamzës: I dola në krahë arbitrit, nuk dua të dënohemi

Trajneri i Kamzës, Gentian Stojku, pas barazimit 1-1 ndaj ekipit të Laçit. Skuadra e tij flirtoi me fitoren, por një penallti e dhënë nga gjyqtari Hamiti në minutën e 96-të bëri që rezultati të barazohej nga Najdenov. Numri një i stolit nuk është i kënaqur me faktin se nuk u arrit fitorja dhe tashmë lufta është më e ashpër.

“Deri sa matematika na lejon ne besojmë. Unë besoj, pasi kemi 12 pikë. Ne nuk ulim kokën, por shkojmë që ndeshjen e radhës për pikë.

Dhuna ndaj arbitrit? Dua të merrem me fushën të them të drejtën i dola në krah gjyqtarit. Për penalltinë mendoj se ishte katalizatori i këtij irritimi. I dola në krah që të mos ndodhte asgjë me gjyqtarin.

Nuk dua të kemi dënim, por jam munduar të ruaj qetësinë dhe të normalizohet gjendja”, deklaroi Stojku pas ndeshjes.