Trajneri i Kamzës vijon akuzat: Në ditët e sotme hajdutit i thuhet je njësh!

Kamza do të përballet me Partizanin dhe vetëm fitorja ndaj të kuqve do ju jepte garanci për qëndrimin në elitën e futbollit shqiptar. Ndeshja nuk do të jetë aspak e thjeshtë, teksa këtë gjë e ka të qartë edhe trajneri Julian Ahmataj, që e konsideron duelin me të kuqtë si një finale.

“Është shumë e vështirë për Kamzën, pasi do të luajmë ndaj Partizanit. Ata janë përmirësuar shumë në fazën e fundit. Sfidë e vështirë, por ne do të japim maksimumin, pasi është një finale. Nuk e kam pasur asnjëherë skuadrën e plotë, dhe kjo na ka vënë shumë në vështirësi. Shpresoj që të rikuperohem sa të mundemi”, tha Ahmataj për Super Sport.

Kamza në këtë fund kampionati ka akuzuar me nota zyrtare për favorizimin e kundërshtarëve, akuza të cilat  nuk  mungojnë as në fjalët e Julian Ahmatajt.

“Çfarë s’po na dëgjojnë veshët. Kjo është e turpshme. Në ditët e sotme hajdutit, po i thuhet se ky është njësh, ndërsa njerëzve që punojnë dhe janë të ndershëm, janë budallenj”, u shpreh trajenri i Kamzës. /Koha Jonë/