U dëmtua në kombëtaren tonë, Hysaj humbet sfidën e radhës në Seria A

Napoli do të sfidojë Sampdorian këtë fundjavë, teksa trajneri Carlo Ancelotti nuk do të ketë në dispozicion Elseid Hysajn. Mbrojtësi i kombëtares sonë sipas mediave italiane nuk ka arritur që të rikuperohet në kohë për ndeshjen ndaj dorianëve për shkak të një dëmtimi muskulor.

Hysaj shënoi golin e parë me kombëtaren dhe bëri super ndeshje por pikërisht për shkak të një dëmtimi la fushën e blertë në pjesën e dytë. Ditën e sotme ai është stërvitur veçmas nga pjesa tjetër e grupit, duke bërë që të lihet jashtë grumbullimit, për të mos rrezikuar një dëmtim edhe më të rëndë.