UEFA nuk arrin akordin me Milanin, ka gati një dënim shembullor

Nuk ka aspak lajme te mira nga Nioni për Milani. UEFA i ka thënë jo akordit me klubin kuqezi për të hyrë në parametrat e “fair-play-it” financiar.

Plani që u ka paraqitur Fasone nuk i ka bindur drejtuesit që merren këtë çështje të cilët 15 dhjetorin e kaluar kishin refuzuar të nënshkruanin një marrëveshje me Milanin.

Klubi kuqezi duhet të vuajë pasojat teksa deri në 15 qershor UEFA do të marrë një vendim. Milani rrezikon një gjobë të majme dhe një paralajmërim por drejtuesit e klubit milanez i druhen më të keqes që do të ishte një bllokim i merkatos ose një përjashtim i mundshëm nga edicioni i ardhshëm i Europa League.