United arrin akordin me sulmuesin e Juventusit

Manchester United është shumë pranë transferimit të sulmuesit të Juventusit, Mario Mandzukic. Sipas “Daily Mail”, Djajtë e Kuq kanë arritur akordin me futbollistin duke i ofruar një kontratë deri në vitin 2022, nga e cila do të përfitojë 7 milionë euro në sezon, me një rritje prej 35 për qind nga ajo që përfiton te ekipi torinez.

Solskjaer e sheh sulmuesin kroat si zëvendësuesin ideal për Romelu Lukakun, ndërkohë që marrëveshja pritet që të mbyllet brenda ditës së martë. Juventusi do të lejojë largimin e sulmuesit për një shumë prej 20 milionë eurosh, pasi nuk bën pjesë në planet e Sarrit. /Koha Jone/