United nuk di të fitojë më, ndalet edhe ndaj Southampton (VIDEO)

Manchester United nuk ka shkuar më shumë se një barazim 1-1 në transfertën ndaj Southampton. “Djajtë e Kuq” e nisën mjaft mirë ndeshjen duke kaluar në avantazh që në minutën e 10-të me një super gol të talentit Daniel James.

Vendasit reagojnë mjaft mirë, teksa hidhen në kërkim të golit të barazimit, që do ta gjejnë në fillimin e fraksionit të dytë. Pas një aksioni të gjatë, Jannik Vestergaard shënoi me kokë.

Southampton do të mbeste me një futbollistë më pak, pasi Kevin Danso u largua nga fusha në minutën e 73-të (2 kartonë të verdhë). Manchester United në këtë mënyrë nuk e ka nisur aspak mirë kampionatin, teksa pas 4 javësh ka grumbulluar vetëm 5 pikë. /R.Lika-Koha Jone/