Uzuni shënon një gol spektakolar në Kroaci (VIDEO)

Myrto Uzuni ka shënuar gol spektakolar në derbin ndaj Dinamos së Zagrebit, që Lokomotiva luajti si pritëse mbrëmjen e sotme.  Sulmuesi i kombëtares shqiptare do të gjente rrjetën në minutën e 79-të të lojës, kur ndeshja ishte 0-1 për Dinamon.

Një top i ardhur nga krahu i djathtë, gjen Uzunin në zonë i cili me të djathtën e tij i bën një devijim spektakolar topit, duke vendosur baraspeshën në fushë.

Shifrat nuk ndryshojnë deri në fund të ndeshjes, me Lokomotivën që merr një pikë të rëndësishme në sfidën ndaj Dinamos.

Ky ishte goli i shtatë në kampionat për Myrto Uzunin, i cili është shndërruar në lider tek ekipi i tij.