Vdekja e Reyes, djali i tij shkruan një letër që ka përlotur të gjithë

I njëjti emër, e njëjta buzëqeshje. Vdekja e José Antonio Reyes ka tronditur botën, pas një aksidenti fatal ditën e djeshme me makinë. Djali i tij, Jose Antonio Reyes Lopez ka përlotur të gjithë pasi ka publikuar në profilin e tij në rrjetet sociale një mesazh shumë prekës.

“Kam qenë gjithmonë krenar për ty babi. Ky portret në foto është momenti i fundit që kemi kaluar së bashku. Atë ditë, siç ke bërë gjithmonë, më ke dhënë këshilla të vlefshme. Por sot ti u largove dhe nuk u ktheve më, ka qenë një ditë shumë e vështirë për mua. Nuk kemi kaluar aq shumë kohë së bashku sa kemi dashur, por vetëm ti dhe unë e dimë se sa shumë e duam njëri-tjetrin. E di që nga qielli do të kujdessh për mua, nuk do të harroj kurrë. Të dua shumë babi”, ka shkruar ai.

Në foto janë të dy, me të njëjtën emër, të njëjtën buzëqeshje, dhe të njëjtin pasion për futbollin.