VIDEO/ Aksidenti i frikshëm me Ferrarin, Kampioni i Botës del nga koma

Lajme të mira për kampionin e Botës për peshat e lehta në kategoritë, IBF dhe WBC, Errol Spence Jr. 29 vjeçari ka reaguar në spital pas orëve të makthit kur Ferrari i tij u përplas tmerrësisht me bordurat ndarëse në Dallas.

Aksidenti ndodhi në bulevardin “Riverfront” në orët e para të mëngjesit të së enjtes. I menjëhershëm ka qënë edhe reagimi i kalimtarëve të rastit, të cilët kanë njoftuar ambulancën për të ardhur në ndihmë. Sipas burimeve, Spence Jr. kishte humbur ndjenjat dhe vetëm sot është zgjuar.

“Kampioni i peshave të lehta, Errol Spence Jr. u përfshi në një aksident të rëndë me veturë dhe po mjekohet në spitalin e Dallasit. Nga ky aksident, 29 vjeçari ka pësuar vetëm disa çarje në fytyrë,” thuhet në deklaratën e Federatës së Boksit.

Pamjet e aksidentit të Ferrarit të bardhë të Spence Jr. janë publikuar më pas në rrjetet sociale, ku shihet qartë përplasja e fortë që automjeti ka bërë me ndarëset e rrugës.

Në karrierën e tij, Spence Jr. ka regjistruar 26 fitore pa asnjë humbje. Titujt kampion të IBF dhe WBC, 28 vjeçari i fitoi vetëm pak ditë më parë, ndaj amerikanit, Shawn Porter.

#BREAKING Exclusive video from a nearby security camera shows the crash that injured Championship Boxer Errol Spence Jr when he lost control of his Ferrari and it rolled multiple times ejecting him. Fortunately he survived and expected to be ok pic.twitter.com/2Z1xh9DDiA

— J.D. Miles (@jdmiles11) October 10, 2019