VIDEO/ Humbën derbin, tifozët “pushtojnë” fushën pas ndeshjes dhe shkaktohet kaos i madh

Nuk ka shkuar mirë derbi ndaj AEK-ut, pasi tifozët e Olympiacos humbjen nuk e kanë kapërdirë dot. Pas përfundimit të ndeshjes, ka shpërthyer një kaos i madh.

Tifozët e Olympiacos pushtuan fushën, ku u godit edhe arbitri i ndeshjes, italiani Davide Massa. Përveçse u futën në fushë, tifozët shkatërruan edhe stolat e stadiumit “Georgios Karaiskakis”.

Kishte një përplasje në fushë mes tifozëve dhe policisë, ndërsa Olympiacosin tashmë e pret edhe një dënim nga Federata për trazirat e krijuara.