Vllaznia zyrtarizon dy blerje të tjera, një portier dhe një sulmues

Vllaznia vijon të jetë aktive në merkato me emra pak të njohur. Së fundmi klubi shkodran ka njoftuar afrimet e portierit Jurgen Mehidri nga Korabi. Dhe të sulmuesit Bujar Hajdari, 20-vjeçarit shtatlartë që ishte pjesë e Skopje. Dy lojtarët kanë firmosur kontrata 3-vjeçare me Vllazninë.

“Klubi i Futbollit Vllaznia ka kënaqësinë të njoftojë se me skuadrën në stërvitjet që ajo po zhvillon në Bosnjë- Hercegovinë, janë bashkuar edhe dy futbollistë të rinj.

Bëhet fjalë për portierin Jurgen Mehidri dhe sulmuesin Bujar Hajdari të cilët do të jenë pjesë e jona për tre vitet e ardhshme. Mirë se erdhët në familjen kuqeblu Jurgen & Bujar!”, lexohet në postimin e kuqebluve në faqen zyrtare.