Volejboll/ Partizani mundet nga hungarezët e Vasas, kualifikimi bëhet i pamundur

Nuk ka surpriza për Partizanin e volejbollit që zhgënjeu në takimin e parë të turit të dytë të Champions League. Vajzat e kuqe u mposhtën pastër 3-0 nga hungarezët e Vasas në ndeshjen e parë të fazës play-off raund që nëse Partizani do ta kalojë me sukses do ta çojë në fazën e grupeve të Champions League-s së femrave.

Seti i parë foli për skuadrën hungareze që e kryesoi që në fillim dhe triumfoi me shifrat 25-19. Me rezultatin 25-20 u mbyll seti i dytë, edhe pse Partizani e nisi mirë dhe arriti të kryesonte deri në 4-8 por hungarezet më pas treguan forcën e tyre ashtu siç bënë edhe në setin e tretë të cilin e fituan lehtësisht 25-16 dhe gjithë ndeshjen 3-0.

Klubi i kuq do të luajnë ndeshjen e kthimit pas një javë në kryeqytet, atje ku vetëm një mrekulli mund ta kualifikojë Partizanin.