Vrau djalin 5 vjeç, futbollisti turk: Nuk jam psikopatë, e bëra sepse …

Një ngjarje tronditëse ka shokuar Turqinë këto ditë, teksa futbollisti Cevher Toktas  vrau të birin. Fillimisht, futbollisti u mundua ta fshihte si vdekje pasojë e Covid-19, por më pas u zbulua e vërteta dhe i biri Kazim, vetëm 5 vjeç, u vra nga i ati.

Ky i fundit pranoi dhe krimin e bërë, por ajo që la të gjithë me gojëhapur ishte dëshmia e tij në gjykatë.

“Nuk jam psikopat dhe nuk vuaj nga mendja! E vrava sepse nuk e kam dashur kurrë djalin tim! Që kur lindi. i vura jastëkun dhe i mora frymën”, u shpreh Toktas, i cili e kreu këtë akt të tmerrshëm ndërsa i biri ndodhej në terapi intensive pasi ishte prekur nga koronavirusi dhe ishte dërguar në spital.

Mjekët fillimisht menduan se problemet me frymëmarrjen i kishin marrë jetën djaloshit por ditën e funeralit babai pohoi të vërtetën e ngjarjes makabër, për të cilën rrezikon burgim të përjetshëm.