Zidane i beson Bale në ndeshjen e parë në sezonin e ri në La Liga

Pas humbjes së Barcelonës ditën e djeshme, tashmë do të jetë radha e Realit për të zbritur në fushë për duelin e parë. Skuadra merengues do të sfidojë Celta Vigon në transfertë në orën 17:00.

Në mungesë të Hazard të dëmtuar, trajneri Zidane ka vendosur që t’i besojë Bale nga minuta e parë. Benzema do të jetë sulmuesi qendror, ndërkohë që në krahun tjetër do ta mbështesë Vinicius. Në mesfushë s’ka asnjë surprizë pasi do të luajë trinomi Kroos-Casemiro-Modric.

Në mbrojtje ndërkohë në krahë do të aktivizohen Marcelo dhe Odriozola, ndërkohë që në qendër është rikuperuar Ramos, i cili do të luajë së bashku me Varane. Në portë Courtois do të jetë titullar, ndërkohë që James Rodriguez është risia në stolin e rezervave, pasi tashmë ka besimin e Zidane. /Koha Jone/