ZYRTARE/ Colella jep dorëheqjen nga drejtimi i Partizanit

Giovanni Colella nuk është më trajner i Partizanit. Lajmi është konfirmuar nga kampionët e Shqipërisë në rrjetet sociale.

Klubi i Partizanit ka njoftuar se trajneri italian ka paraqitur dorëheqjen, vendim ky që është pranuar nga klubi. Në këtë mënyrë Colella largohet pasi u bë trajneri i parë italian që fiton titullin me Partizanin, një sukses që e ka shijuar vetëm pak dittë.

“Partizani njofton mbylljen e bashkëpunimit me trajnerin Giovanni Colella, i cili sot i ka prezantuar dorëheqjen e parevokueshme presidentit Demi. Trajneri largohet nga Partizani pas nje viti të suksesshëm ku arriti së bashku me skuadrën objektivin madhor, titullin KAMPION…

Falenderojmë për kontributin “mister” Colella-n, që largohet nga Shqipëria si trajneri KAMPION, dhe i bëjmë me dije se dera e Partizanit do mbetet e hapur për bashkëpunime të tjera në të ardhmen. GRAZIE MISTER Ti mbetesh njëri prej nesh… P.M.T.P”, shkruan klubi i Partizanit.