ZYRTARE/ Diego Longo merr drejtimin e skuadrës së Teutës

Diego Longo është zyrtarisht trajneri i ri i skuadrës së Teutës. Lajmin e ka zyrtarizuar vetë klubi durrsak në një publikim në faqen zyrtare, ku i uron sukses teknikut italian.

“Benvenuto Mister DIEGO LONGO!

KF Teuta zyrtarizon arritjen e marrëveshjes me trajnerin 🇮🇹 Diego Longo. Trajneri i ri i skuadrës sonë aventurën e tij të fundit e kishte në Vlorë, ku drejtonte klubin e Flamurtarit.

KF Teuta i dëshiron mirëseardhje trajnerit të ri në skuadër, duke i uruar suksese dhe arritjen e qëllimeve të vendosura së bashku me skuadrën tonë. #forcateuta”, shkruan Teuta.