Zyrtare/ E bleu në fillim të merkatos, Kukësi largon mesfushorin e talentuar

Vetëm pak ditë pasi u transferua te Kukësi, mesfushori Armend Çajani i ka dhënë lamtumirën klubit verilindorë.

Përmes një deklarate për shtyp në faqen zytare, Kukësi ka zyrtarizuar kalimin e 21 vjeçarit në formulën e huazimit për një sezon te Besa. Shkupjani u transferua te Kukësi më 5 gusht nga Genç Kalemler, skuadër e Ligës së Dytë në Maqedoninë e Veriut.

“Futboll Klub Kukësi njofton arritjen e marrëveshjes me FK Besën, për huazimin e futbollistit Armend Çajani te skuadra kavajase.

“Shkupjani, i cili u transferua te skuadra blu gjatë merkatos së verës, do të aktivizohet për një sezon futbollistik në Kategorinë e Parë me skuadrën e Besës.”-mbyllet deklarata e klubit kuksian.