ZYRTARE/ Juventus-Napoli, klubi bardhezi merr vendimin për Sarrin

Tashmë është zyrtare: Maurizio Sarri nuk do të jetë në pankinë mbrëmjen e nesërme në super ndeshjen mes Juventusit dhe Napolit. Vendimi është marrë pak minuta më parë nga stafi mjekësor i klubit bardhezi, që ka vendosur që ai të qëndrojë pushim edhe për këtë ndeshje.

Në këtë mënyrë, në krye të ekipit vijon të mbetet Martusciello. Ish-trajneri i Chelsea-t do të jetë në tribunë, ndërkohë që rikthimi i tij parashikohet që të ndodhë pas ndeshjeve të kombëtareve, ashtu siç u konfirmua zyrtarisht dhe nga klubi i Juventusit disa ditë më parë.