ZYRTARE/ Orges Shehi largohet nga drejtimi i Skënderbeut

Orges Shehi nuk është më trajner i Skënderbeut dhe vendimin e ka komunikuar sot, në emisionin “Kuq e Zi” në Supersport.

Durrsaku është bërë pjesë e korçarëve 9 vite më parë, ku për 8 sezone ruajti kuadratin e portës, ndërsa për shumë kohë mbajti edhe shiritin e kapitenit.

Shehi është një nga emrat e periudhës së lavdishme të korçarëve, që gjatë viteve të fundit fituan 7 tituj kampionë dhe morën pjesë dy herë në grupet e Europa Leagues.

Verën e kaluar Shehi vendosi tërheqjen, ndërsa klubi i propozoi detyrën e trajnerit, një eksperiencë e re për ish portierin, të cilën e kreu me sukses, duke renditur korçarët në vendin e katërt.