Meteorologia Lajda Porja, duke i’u referuar uljes së temperaturave dhe motit të keq që ka përfshirë Shqipërinë me reshje shiu, bën thirrje për qetësi dhe që qytetarët të mos kenë panik. Po ashtu Porja tha se kjo stuhi ka patur vetëm një ndikim të lehtë për vendin tonë. Meteorologia parashikoi që situata të mbetet e paqëndrueshme deri në orët e vona të mbrëmjes së sotme. Herë pas here do të ketë rrebeshe shiu të shoqëruara me bubullima dhe rrufe. Por Porja siguroi se kjo që po ndodh në Shqipëri nuk ka lidhje me atë që ka ndodhur në Europën Qendrore.
