Një tragjedi e madhe ka ndodhur në Gramsh. Babai 46-vjeç me 2 fëmijët (14 dhe 19-vjeç) dhe kushëriri i tyre 20-vjeç, kanë humbur jetën. Ata janë mbytur në liqenin e hidrocentralit të Banjës në fshatin Drizë. Në njoftimin për mediat të Policisë, thuhet se kanë nisur kërkimet për trupat e tyre, ndërsa deri më tani janë gjetur dy motoçikleta, tre celularë dhe teshat e trupit, ndërsa vijojnë kërkimet.
Njoftimi i plotë nga policia e shtetit:
Rreth orës 19:00, Salla Operative e Komisariatit të Policisë Gramsh ka marrë një telefonatë se 4 shtetas dyshohet se janë mbytur në Liqenin e Hidrocentralit të Banjës.
Menjëherë kanë shkuar shërbimet e policisë, grupi hetimor dhe zjarrëfikësit, ku ka rezultuar se: Në Liqenin e Hidrocentralit të Banjës në fshatin Drizë të Gramshit, dyshohet se shtetasit A.Z, rreth 46 vjeç, R.Z, 19 vjeç, E.Z, 14 vjeç , (babai me dy djemtë) dhe kushëriri i tyre shtetasi M.Z, 20 vjeç, sipas deklarimeve të familjarëve janë futur në liqen për tu larë dhe nuk kanë dalë më.
Gjiihashtu menjëherë në drejtim të liqenit janë nisur polumbarët e Reneas për të bërë të mundur gjetjen dhe nxjerrjen e katër shtetasve nga liqeni.
Grupi hetimor ka gjetur në buzë të liqenit dy motoçikleta, tre celularë dhe teshat e trupit. Në drejtimin e Prokurorisë, grupi hetimor vijon punën në vendngjarje për sqarimin dhe dokumentimin e plotë të rrethanave të ngjarjes.’– njofton policia.
https://kohajone.com/babai-me-dy-djemte-e-mitur-dhe-kusheriri-i-tyre-u-futen-per-tu-lare/
