Benjamin Pavard mbylli sezonin e katërt me Bayern Munchen dhe tashmë do të nisë një aventurë të re, larg Gjermanisë. Manchester United është një nga skuadrat që e kërkon në merkato.
Erik ten Hag e cilëson një përforcim super për skuadrën e tij, edhe prej faktit që mund të luajë në qendër dhe krahun e djathtë të prapavijës.
Kim Min-jae i Napolit, një ndër objektivat e “Djajve të Kuq”, është afër firmës me Bayern Munchen, ndërkohë që United do të synojë të rrëmebjë te bavarezët Pavard.
Lojtari francez, i cili ka edhe një vit kontratë me kampionët e Gjermanisë, numëron 49 ndeshje dhe 3 gola me kombëtaren e “Gjelave”. Drejtuesit e Bayernit kërkojnë 35 milionë euro për ta lënë të lirë.
