Kryeministri i Kosovës, Albin Kurti thotë se hetimet për vrasjen e trefishtë në Gllogjan të Deçanit po vijon.
”Sasia e informacionit për vrasjen e trefishtë në Gllogjan të Deçanit është duke u shtuar, meqenëse hetuesit më të mirë tanë janë të përfshirë atje. Mirëpo kur të kenë diçka konkrete sa i përket të pandehurit ose të pandehurve që e kryen këtë vrasje të trefishtë mizore, ne natyrisht që do t’iu njoftojmë me kohë”, tha Kurti.
Autobusi ishte duke qarkulluar në aksin Gjakovë-Deçan, në kohën kur kanë ndodhur të shtënat, ndërsa ende nuk dihet ende autori e as motivet e sulmit që tronditi Deçanin mbrëmjen e të premtes së 26 nëntorit. Qeveria e Kosovës ka premtuar 20 mijë euro për çdo qytetar që jep informacione për të dyshuarit që janë të përfshirë në këtë vrasje.
