Një tjetër vlerësim ka ardhur për çiftin Princ Harry dhe Meghan Markle, të cilët janë emëruar në mesin e 100 personave më me ndikim në botë nga revista e madhe “Time”.
Në kopertinën e revistën shihet Meghan e veshur në të bardha, ndërsa prapa saj shihet Princ Harry i veshur me kostum me ngjyrë të zezë. Ndërsa brenda revistës është përfshirë edhe një fotosesion unik i tyre.
Kritikët e quajtën kopertinën e revistës amerikane si një dominim i dukshëm nga Meghan në raportin e saj me Princ Harry, por i menjëhershëm ishte edhe reagimi i redaktorit të fotografisë së revistës “Time”, që deklaroi se fotografia përfaqëson ata si partnerë të barabartë.
