Një lajm i rrallë vjen nga Turqia, aty ku Ayse Karatay plot 116-vjeç, ka mposhtur Covid-19. E moshuara u shtrua në spital muajin e kaluar, ku rezultoi pozitive.
Gjendja e saj u përkeqësua dhe mjekët e shtruan në terapi intensive. Pas 3 javësh aty, gjendja e saj shëndetësore u përmirësua dhe doli nga spitali. Djali i saj u shpreh se 116-vjeçarja kishte marrë vetëm një dozë të vaksinës kineze Sinovac.
Ayse Karatay bëhet në këtë mënyrë personi i dytë më i moshuar që i mbijeton Covid-19. Në vend të parë është një murgeshë franceze, e cila u infektua me Covid-19 në moshën 116-vjeç dhe e kaloi me simptoma shumë të lehta.
