Institucioni i Ekzekutimit të Vendimeve Penale në Vlorë ka organizuar për 180 të paraburgosur festën e fundvitit. Atmosferë e ngrohtë, muzikë dhe të ftuar, të paraburgosurit kanë ndjerë aromën e festave.
Engjëllush Avdulaj, kreu i këtij institucioni, tha se gjatë këtij viti i është kushtuar rëndësi e veçantë riedukimit dhe riintegrimit të të paraburgosurve. Si shembull u soll rasti i 90 prej tyre, që tashmë gëzojnë një diplomë profesionale, ku synohet hapja e klasave të shkollës së mesme.
Të ftuarve u janë dhuruar punë dore të vetë të paraburgosurve, ndërsa të veshur me kostume popullore, këta të fundit kanë kënduar isopolifoni e i janë gëzuar festës. Në aktivitet merrnin pjesë përfaqësues të pushtetit lokal si dhe komuniteteve ferare.
