Fundviti me borë e temperatura nën zero gradë, i kanë lënë vendin këto ditë diellit e të ngrohtit këtë fillim-janari, me temperatura, deri në rekorde të reja për stinën, e aspak tipike për janarin.
Shumë vende të Evropës, po përjetojnë këtë javë temperature që prej vitesh nuk ishin regjistruar për stinën e dimrit. 8 shtete mbajnë rekord, me Varshavën në Poloni dhe Bilbaon në Spanjë, që shënuan këtë javë temperatura respektivisht 19 dhe 25 gradë celsius.
I ngrohti evropian erdhi në një kohë kur Veriu i Amerikës po përballet me stuhi të acarta, pas ditësh të tëra dimri të ftohtë, që shkaktoi më shumë se 60 të vdekur.
Vetëm pak ditë më parë, Britania e Madhe, Irlanda, Franca dhe Spanja e shpallën 2022 ksi vitin më të nxehtë në historinë e tyre. Mbetet për tu parë si do të jetë ky vit që sapo ka nisur.
