Premier League ka pezulluar marrëveshjen e transmetimit të kampionatit anglez me Rusinë pas agresionit ushtarak ndaj Ukrainës fqinje. Ky vendim do të hyjë në fuqi menjëherë, që do të thotë se katër ndeshjet e së enjtes nuk do të transmetohen në këtë vend.
Kjo çështje mori vetëm 15 minuta në një takim katërorësh të 20 klubeve elitare në Londër. Gjithashtu u vendos që Premier League të dhurojë 1 milionë stërlina për të mbështetur popullin e Ukrainës.
Të drejtat televizive për Premier League ishin në pronësi të Rambler Group. Kompania ishte në vitin e saj të fundit të një marrëveshjeje trevjeçare për transmetimin e ndeshjeve në Rusi.
Premier League thotë se dënon pushtimin rus të Ukrainës dhe se klubet e saj ranë dakord unanimisht për këtë veprim.
