(Botuar nga radio shtetrore gjermane DW)-
Për shkak se një avion i shoqërisë së fluturimit Wizzair ishte i mbiprenotuar, pati trazira të premten në mbrëmje në Aeroportin e Friedrichshafenit në Gjermani. U desh ndërhyrja e policisë gjermane.
Në Aeroportin e Friedrichshafenit në Gjermani, të premten ka pasur trazira të mëdha gjatë procesit të imbarkimit të pasagjerëve të shoqërisë së fluturimit, Wizzair. Në aeroport madje u desh ndërhyrja e policisë gjermane për të qetësuar pasagjerët e zemëruar. Për shkak të transferimeve të brendshme të prenotimit me Wizzair, 39 pasagjerë nuk mund të udhëtonin dot për shkak se avioni ishte i tejmbushur.
Kjo shkaktoi zemërim, britma, përplasje dhe shumë pasagjerë refuzuan të largoheshin nga salla e pritjes.
Sipas të dhënave të fundit të policisë për këtë avion kishte 209 prenotime, ndërkohë që në dispozicion ishin 186 vende.
Oficerët e policisë dhe doganës u desh të qetësonin masën e pasagjerëve të zemëruar. Një avion rezervë për pasagjerët e mbetur nuk pati.
Qytetarët, të cilët kishin kryer një udhëtim disa orë për të ardhur në këtë aeroport duhet të linin sërish aeroportin pa mundur të udhëtonin drejt Tiranës.
