Chelsea dhe Liverpooli nuk kanë shkuar më shumë se një barazim spektakolar 2-2 në “Stamford Bridge”, duke i dhënë shansin City-it që të arratiset në krye.
Sfida nisi më mirë për skuadrën e Klopp që gjeti golin e avantazhit që në minutën e 9-të me Sadio Mane që përfitoi nga një hezitim i mbrojtjes vendase. Në të 26-tën, Mohamed Salah dhuron një magji të vërtetë brenda zonës së Chelsea-t, duke arritur që të mposht portierin Mendy.
Kur u duk se ndeshja ishte thuajse e përfunduar, Blutë e Londrës arritën që të gjenin një super gol me Kovacic, pas një goditje të bukur në hyrje të zonës që shkoi në trekëndëshin e portës.
Chelsea merr zemër nga goli, teksa disa minuta më pas gjeti dhe golin e dytë me Christian Pulisic që bën gjithçka mirë në zonën e rivalëve. Pas 45 minutave spektakolare, në fraksionin e dytë, rezultati nuk do të ndryshonte, edhe falë dy portierëve. Nga ky barazim më i fituar del Manchester City që arratiset në krye të renditjes me 10 pikë më shumë se Chelsea dhe 11 më shumë se Liverpooli. /R.Lika-Koha Jonë/
